摘要：移英「黄师」、网名为「香港老师也移民」成日吹嘘英国生活，自夸高薪厚职、住大屋，又有白人朋友喎。她近日发文话有白人朋友街头被抢电话，发WhatsApp讯息向她求救，点知被网民怀疑渠「老作」，质疑唔见电话又可以WhatsApp。

【点新闻报道】移英「黄师」、网名为「香港老师也移民」成日吹嘘英国生活，自夸高薪厚职、住大屋，又有白人朋友喎。她近日发文话有白人朋友街头被抢电话，发WhatsApp讯息向她求救，点知被网民怀疑渠「老作」，质疑唔见电话又可以WhatsApp。

移英「黄师」日前在社交平台发文，话白人朋友被抢电话搵佢帮手，「我又有一位英国白人朋友响伦敦街头畀人抢咗部电话，渠WhatsApp我，问我有冇方法可以叫我响香港慨朋友帮渠搵返部手机」。

帖文惹来网民质疑事件的真确性，「冇咗电话都WhatsApp到」、「白人朋友畀人抢咗部电话，点样又WhatsApp渠啊？渠转行做英国警察？咁慨身形应该无可能啦」、「呢个故事...唔收货！畀人抢咗电话...但又可Whatspp渠？」。

有网民揶揄「黄师」只是乘机炫耀自己有白人朋友，「成日强调白人朋友（呢d自卑心作祟，以为白人朋友好劲，可笑系自己永远系黄皮）」、「不管Homeless或道友，只要系白人，又声称当渠朋友，都无任欢喜，梗系四围唱啦」、「畀人歧视紧，仲攞嚟光荣」。

来源：點新聞