摘要：由衛駿輝、黃德斌、羅妍、梁非同、陳景銣、黃安晴、蘇楚欣同馬溢霞主演，「進念‧二十面體」製作、陳善之監製、胡恩威執導及改編陳敢權原著劇本，配合楊健平以粵劇改編及作曲嘅全新摩登粵劇《頂頭鎚》，日前喺香港文化中心大劇院正式開演。大會特別安排咗下午場，邀請十間中學嘅學

由衛駿輝、黃德斌、羅妍、梁非同、陳景銣、黃安晴、蘇楚欣同馬溢霞主演，「進念‧二十面體」製作、陳善之監製、胡恩威執導及改編陳敢權原著劇本，配合楊健平以粵劇改編及作曲嘅全新摩登粵劇《頂頭鎚》，日前喺香港文化中心大劇院正式開演。大會特別安排咗下午場，邀請十間中學嘅學生率先觀賞，氣氛熱烈。

三位主要演員衛駿輝、黃德斌同梁非同接受傳媒訪問時，都表示對今次跨界製作充滿期待。黃德斌話：「都有啲緊張，因為唔知道觀眾反應會點。不過套劇真係乜都有——有唱有做、有笑有淚。至於唱歌方面，我都算有少少進步啦，對我嚟講係一次新體驗。」

衛駿輝就話，今次演出令佢好期待：「平時我喺粵劇多數演公子哥兒，但今次《頂頭鎚》要演街市仔，仲要著時裝，真係花咗唔少時間去揣摩角色。呢個劇將粵劇同舞台劇融合，過程好新鮮又好過癮。」

至於梁非同就笑言今次係佢第一次粵劇Crossover話劇：「德斌哥哥其實唱得好好，進步得好快！今次合作令我哋跳出自己嘅舒適圈，我哋都要互相調整——我哋講对白要貼近現實，德斌哥哥反而要比拍劇時誇張少少。對大家嚟講，真係一個好寶貴嘅學習機會。」

来源：ATV亚视官方