摘要：不少移英父母搵子女做挡箭牌，声称移民是为了子女将来着想，冀有更佳教育环境。不过，有移英子女却觉得好反感，话每次听到父母一讲「我哋系为咗你读书而过嚟」都好大压力，抱怨表示「可唔可以唔好成日都情绪勒索我」。

【点新闻报道】不少移英父母搵子女做挡箭牌，声称移民是为了子女将来着想，冀有更佳教育环境。不过，有移英子女却觉得好反感，话每次听到父母一讲「我哋系为咗你读书而过嚟」都好大压力，抱怨表示「可唔可以唔好成日都情绪勒索我」。

一名跟随父母移英的学生在社交平台threads发文抱怨，「可唔可以唔好成日都情绪勒索我，每次话我咩都好到最后都讲『你知唔知点解我哋要过嚟英国，我哋系为咗你读书而过嚟』」，直言每次听到都好大压力。楼主委屈地指，自己一直希望可以留港，只有父母希望移英，「好似无我大家就唔洗嚟呢度咁辛苦，但系明明其实我一直都好想留喺香港，只系你哋不断话要嚟英国」。楼主又指，其实英国读书都好大压力，「只系yr 9 or below先冇压力」。

帖文讲出不少移英学子心声，有人留言「成日叫我哋体谅你哋班家长，成日话我哋唔知道你哋慨苦衷，其实讲真我哋小朋友都唔轻松㗎，返学语言不通+插班，好多同学本身已经有一个friend group，我地可能要用几个月甚至一年先可以建立到一班朋友，香港慨朋友因为时差，冇共同经历越嚟越疏远，英国又识唔到新朋友，中学一个最青春、最热血慨时期，社交几乎归零，你哋家长们又明唔明」、「学又唔系渠哋返，个学制个游戏点玩又唔识，你有困难渠哋又唔识，一味情绪勒索，好老土，最憎。」

有移英父母亦留言撑楼主，「好多父母口口声声话为小朋友先嚟移民，其实有几多父母真系有了解过呢度慨教育？听KOL讲，人云亦云，过黎读『国际学校』lu~」、「大人从来为自己，为仔女只系借口，不过渠哋打死唔认，我都系父母，我非常清楚明白」、「我都系父母，灵魂拷问，好多嘢做咗一系自己细个想要但系冇，所以投射落小朋友度」。

有移英妈妈则表示见过生活不如意的父母将气出在子女身上，「我做人老母，我见到大把老母唔Ｘ识做人，无钱又要移，唔计下数先移，移咗后悔又话英国差，英文唔好又唔去学。话搵唔到工，其实根本无搵。人地搵到工又眼红人，废到只识讲人是非。成日话为小朋友，生活唔好又要搵小朋友出气话为咗渠地。我眼见好多人移英后心理唔平衡，亦见到好多家长人品差，所以我明你感受。家长移英前无做好准备就移，搞完一大轮唔开心又搵仔女出气。」

来源：點新聞