友乜唔讲得｜曾志伟亲揭入无线做总经理两原因，帮新人有一大宗旨

摘要：同为主持界精英的四人，轮流分享“一起扮嘢的日子”，其中志伟便分享了昔日拍摄《娱乐反斗星》及《娱乐北斗星》时的难忘点滴，节目亦播出了33年前郑秀文（Sammi）被志伟掟粉刷的有趣画面予以配合；席间小惠还透露当年拍摄《乐坛插班生》时，获Sammi无条件借出歌衫。除

由阮兆祥、梅小惠及江欣燕主持的《友乜唔讲得》转眼来到最后一集，并于明晚 (18日) 播映，而压轴登场的嘉宾是TVB节目内容营运总经理曾志伟。

同为主持界精英的四人，轮流分享“一起扮嘢的日子”，其中志伟便分享了昔日拍摄《娱乐反斗星》及《娱乐北斗星》时的难忘点滴，节目亦播出了33年前郑秀文（Sammi）被志伟掟粉刷的有趣画面予以配合；席间小惠还透露当年拍摄《乐坛插班生》时，获Sammi无条件借出歌衫。除了大谈扮嘢经，志伟还大方分享了接任总经理后的生活变化，节目还让观众了解到志伟如何逐一睇中一众奖老，及帮忙提拔影视圈台前幕后新人。

最后一集嘉宾系节目内容营运总经理曾志伟。

由于工作性质关系，志伟多年来生活模式与一般人颠倒，小惠打趣问志伟为何如此热爱自由及喜欢没有压力、会突然180度转变加入无线做高层，小惠说：“你（依家）朝早八点几钟就返工，打Golf都冇咁早…真系要付出好多㖞，点解你当其时咁大胆会接受呢？”志伟即笑言其实高估了自己：“咁我都高估咗我自己嘅，我初初都以为唔使咁辛苦嘅，但原来系唔得嘅。”志伟续指加入TVB其实有两大原因：“第一TVB可以讲得系我成长嘅地方，我对TVB好有感情，第二就系我觉得，如果呢个行业系佢养大我嘅，我有能力嘅话，都希望喺呢个行业度做返啲嘢啦…我记得时揾我（返TVB），我自己都谂咗好耐，亦都有同我啲仔女分享，佢哋梗系反对啦，话‘喂依家先嚟咁辛苦？唔使喇啩！’”志伟续指入了TVB当行政人员后，确实有很多不习惯的地方：“最唔习惯系要睇日历过日子，以前系唔知咩叫做公众假期。我成日觉得我哋嘅行业冇假期嘅，要做嘢就做嘢，做掂咗就得架喇，做掂咗咪放假啰。”

说到主持工作，志伟扬言最爱跟已离世的肥姐合作，皆因他喜欢做下靶：“肥姐就系我上靶，我成日特登讲啲嘢驳肥姐，佢成日话：‘唔好嘈，做乜讲啲咁嘅嘢呀，作死呀？’肥姐走咗后，我成日都要做上靶，我最钟意做人哋叫我唔好嘈个㗎嘛。”谈到志伟主持过的综艺节目，很多人第一时间会想起《奖门人》系列，小惠问到志伟对《奖门人》的坚持，志伟坦言每年都想唔再做：“《奖门人》我当然好想做，啲嘉宾令现场啲观众笑之余，我自己都（觉得）好笑架嘛，又开心又有钱攞，几开心系咪先？不过我其实年年都想话：‘唔做嘞’，因为其实做奖门人就冇机会做第二啲新嘅节目，我成日都想尝试下唔同嘅嘢。”最后到底是甚么动力驱使志伟做了一年又一年，密切留意节目。

最后一集嘉宾系节目内容营运总经理曾志伟。

与志伟合作多年的祥仔，在节目中踢爆志伟“通处瞓”背后真相劲洋葱，祥仔说：“佢每一次都喺唔同嘅地方瞓著，通常佢瞓著嘅原因系咩呢？系因为佢太攰，同埋佢好多时牺牲自己睡眠时间去睇剧本，睇啲新导演或者新编剧嘅剧本，你话佢为咗咩嚟睇？佢系为咗提携新人，如果佢睇到剧本有咩不足，就会同佢讲。”志伟坦言自己当年做导演时，也希望能有贵人帮忙：“我哋后生时，最难揾就系老板，边个肯畀钱我拍呢？所以到到我自己有能力，我就帮佢哋揾金主，同时去揾啲有前途嘅新人。”志伟又坦言帮人前有一大宗旨：“除咗佢系新导演同有能力之余，我最紧要觉得佢人系好先，我唔想为我哋嘅行业带嚟一个唔好嘅人。”